ललितपुर। फ्रान्सबाट कतार हुँदै काठमाडौं आएकी एक नेपाली नागरिकमा कोरोना पोजेटिभ भएसँगै नेपाल सरकार यसको संक्रमण नियन्त्रणमा उच्च सजकता अपनाउन थालेको छ ।
सरकारले कोरोना संक्रमण फैलिनबाट रोक्ने पहलस्वरु चैत ११ देखि चैत १८ गतेसम्म देशैभरी ‘लकडाउन’ को निर्णय गरेको छ ।
सबैले आ–आफनो तवरबाट देशमा कोरोनाजस्तो महामारीको संक्रमण हुन नदिन तयारी गरिरहँदा, हरिसिद्धि नगरपालिकाको वडा नम्बर २८ ले पनि आफनो तयारी सुरु गरेको छ ।
मंगलबारबाट हरिसिद्धिमा सडक तथा टोलमा औषधी छरेर संक्रमण रोकथाम गर्ने कार्य अघि सारेको छ ।
“सरकारले लकडाउनको घोषणा गरेके बेला सबै घरभित्रै हुने भएकोले औषधी छर्किनु प्रभावकारी हुने देखिएर आजबाट सुरु गरेका हौ”, वडानम्बर २८ का अध्ययक्ष राजेश महर्जनले बाह्ररीलाई बताए ।
योसँगै अहिले कपडाको मास्क सिलाउने काम पनि भइरहेको छ । यो लकडाउनको अवधिभरी प्रयाप्त मास्क बनाएर उक्त वडाका प्रत्येक घरमा मास्क र ५० मिलिलिटर ह्यान्ड स्यानिटाइजर वितरण गर्ने तयारीमा २८ वडाका प्रतिनिधिहरु जुटिरहेका छन् ।
अहिले प्रत्येक टोलको चोकचोकमा एक साबुन र पानीको व्यवस्था गर्ने काम पनि सुरु भैसकेको छ र विस्तारै सबै टोलमा पुर्याउने पनि बताइएको छ ।
“हामीले देशैभरी गर्न नसके पनि आफनो वडा वा भनौं नगरका जनतालाई भने यो महामारीबाट बचाउन सक्दो कोशिस गरिरहेका छौ र गर्ने छौं” २८ वडाका सदस्य प्रज्वल महर्जनले बताए । यसैगरी सूचना जारी गरी सबैलाई घरमै बस्न र सरकारलाई ‘लकडाउन’ कार्यमा सहयोग गर्न पनि अपिल गरेको छ ।
-1749010126.jpg)
