काठमाडौं । चीनमा अहिलेसम्म २५ भन्दा बढीको ज्यान लिइसकेको कोरोना भाइरस नेपालमा पनि देखिएको छ ।

स्वास्थ्य मन्त्रालयले शुक्रबार बेलुका आकस्मिक पत्रकार सम्मेलन गरेर यस्तो जानकारी गराएको हो ।

कोरोना भाइरस : हङकङमा मास्क अभाव, मूल्यवृद्धि तेब्बर

नेपालमा अहिलेसम्म एकजनालाई कोरोना भाइरस रहेको पुष्टि भएको छ भने अरु केहीलाई निगरानीमा राखिएको छ ।

नेपालमा पनि देखियो कोरोना भाइरस,  चीनबाट फर्किएका एकजना संक्रमित

चीनमा अध्ययन गरेर फर्किएका एक विद्यार्थीलाई कोरोना भाइरस देखिएको मन्त्रालयले जनाएको छ ।

मन्त्रालयका प्रवक्ता महेन्द्र श्रेष्ठका अनुसार कोरोना भाइरस देखिएका एक विद्यार्थीको अवस्था अहिले सामान्य छ ।

कोरोना भाइरसबाट मृत्यु हुनेको संख्या २५ पुग्यो

“चीनको वुहान क्षेत्रबाट नेपालमा आएका एक व्यक्तिलाई प्रारम्भिक जाँच गरी सो को निश्चित निदानका लागि डब्लुएचओ कोल्याबोरेटिङ सेन्टर हङकङमा पठाइएकोमा जाँच पोजेटिभ आएको र हाल उक्त व्यक्ति लक्षण विहीन रहेको र प्रत्येक्ष निगरानीमा रहेको जानकारी गराइन्छ,” मन्त्रालयले जारी गरेको विज्ञप्तिमा जनाइएको छ ।

ती विद्यार्थीलाई सामान्य रुघाखोकी लागेर जनवरी ९ मा अस्पताल पुगेका थिए ।

कोरोना भाइरसबाट कसरी बच्ने ?

उनको स्वास्थ्य परीक्षणपछि रिपोर्ट थप पुष्टि गर्न हङकङ पठाइएको थियो ।

अमेरिका पुग्यो कोरोना भाइरस !

हङकङबाट बिहीबार नेपाल आइपुगेको रिपोर्टमा उनलाई कोरोना भाइरस देखिएको पुष्टि भएको मन्त्रालयले जनाएको छ ।

अहिले ती युवाको अवस्था सामान्य रहेको भए पनि अर्का एक व्यक्तिलाई पनि निगरानीमा राखिएको छ ।

अमेरिकामा पनि भेटियो चीनबाट फैलिएको कोरोना भाइरस

उनी हङकङबाट नेपाल आएको बताइएको छ ।

इपिडिमियोलोजी तथा रोग नियन्त्रण महाशाखाले यसबारे सघन निगरानी तथा विस्तृत अध्ययन गरिरहेको मन्त्रालयले जनाएको छ ।

कोरोना भाइरस के हो ? कसरी बच्ने ?

अहिले अस्पताल र स्वास्थ्यकर्मीहरुले शंकास्पद बिरामीको पहिचान र उपचारमा अपनाउनुपर्ने विधिहरु, शंकास्पद बिरामी, परिवार र कुरुवाहरुले रोग सर्न नदिन अपनाउनुपर्ने सावधानीहरु अपनाइएको मन्त्रालयले जनाएको छ ।

स्वास्थ्य तथा जनसंख्या मन्त्रालय र त्रिभुवन अन्तर्राष्ट्रिय विमानस्थलका अधिकारीहरुबीच विमानस्थलमा रहेको हेल्थ डेस्कको क्षमता बढाउँदै उपयुक्त जनशक्ति र उपकरणहरुसहित नेपाल भित्रने शंकास्पद बिरामीहरुको निगरानी कार्य भइरहेको मन्त्रायलयले जनाएको छ ।