बेइजिङ । कोरोना भाइरसबाट चीनमा मृत्यु हुनेको संख्या २५ पुगेको छ । 

अहिलेसम्म यो भाइरसका कारण ८३० जना संक्रमित भएका छन् ।  लुनार नयाँ वर्षको तयारी भइरहेको बेलामा चीनका वुहानमा यो भाइरसको उत्पत्ति भएको हो । 

बेइजिङ र हङकङमा पनि भीड हुन नदिन थुप्रै ठूला कार्यक्रम रद्ध गरिएको जनाइएको छ । 

शुक्रबार चीनको प्रशासनले मृत्यु हुनेको पछिल्लो संख्या जानकारी गराएको हो । अधिकारीहरुका अनुसार १ हजार ७२ जना शंकास्पद व्यक्तिहरु पनि फेला परेका छन् ।  (बीबीसी)