काठमाडौं । मलेसियामा सम्पन्न एएफसी सोलिडारिटी कपको उपाधि जितेको नेपाली राष्ट्रिय फुटवल टिम बसधबार स्वदेश फर्किदैछ । फाइनलमा मकाउलाई पराजित गर्दै सोलिडारिटी कपको उपाधि जितेको नेपाली टोली आज बेलुका साढे आठ बजे त्रिभुवन विमानस्थलमा आइपुग्ने अखिल नेपाल फुटवल संघ एन्फाले जनाएको छ । 

यस्तै सोलिडारिटी कपको उपाधि जितेर स्वदेश फर्कने नेपाली टोलीलाई आजै बेलुका नगर परिक्रमा गराइने एन्फाले जनाएको छ । नेपाली टोलीलाई विमानस्थलबाट गौशाला, बत्तिसपुतली, मैतिदेवी, पुतलीसडक, घण्टाघर, शहिदगेट, न्युरोड, दरबारमार्ग, त्रिपुरेश्वर, थापाथली, कुपन्डोल, पुलचोक, मंगलबजार, ग्वार्को हुँदै एन्फा कम्पेक्ससम्म परिक्रमा गराइने एन्फाले जनाएको छ । 

मलेसियाको कुचिङस्थित सरावक रङ्गशालामा मंगलबार भएको फाइनलमा नेपालले मकाउलाई १–० ले पराजित गर्दै उपाधि जितेको थियो । नेपालले सोलिडारिटी कपको पहिलो संस्करणको उपाधि जितेको हो । नेपाललाई एसियाली फुटबल महासंघ (एएफसी) ले पहिलो पटक आयोजना गरेको प्रतियोगिताको उपाधि दिलाउन सुजल श्रेष्ठले निर्णायक गोल गरेका थिए ।