काठमाडौं । स्वास्थ्य मन्त्री गगन थापाले स्वास्थ्यमा जनताले परिवर्तन  महसुस गर्न पाएको बताएका छन् ।  

स्वास्थ्य सेवा विभागले आयोजना गरेको राष्ट्रिय वार्षिक प्रगति समीक्षा गोष्ठीमा थापाले जनताले परिवर्तन महसुस गर्न पाएको बताएका हुन् । 

स्वास्थ्यलाई मौलिक हकका रुपमा संविधानमा उल्लेख गरिए पनि गुणस्तरिय, आधारभूत र निःशुल्क स्वास्थ्य सेवामा सरकारले खेल्नुपर्ने भुमिका बारेमा छलफल गर्नुपर्नेमा थापाले जोड दिए । 

“हाम्रो काम गर्ने तरिका ठिक छैन, त्यसैले परिणाम पनि राम्रो नआएको हो,” उनले भने, “काम गर्ने तरिका फेर्नुपर्ने बेला आएको छ ।”

सबैको काम हेर्ने समय सकियो भन्दै मन्त्री थापाले भने, “अव काम गर्ने पालो मेरो हो, काम गर्ने तरिका फेर्छु ।”