काठमाडौं । स्ट्यान्डर्ड चार्टर्ड बैंकको चालु आर्थिक वर्षको पहिलो त्रैमाशमा नाफा सामान्य बढेको छ । 

बैंकले चालु आवको असोजसम्म ३४ करोड ९४ लाख रुपैयाँ नाफा गरेको छ । गत आवको सोही अवधिमा ३४ करोड ५२ लाख रुपैयाँ नाफा गरेको थियो । गत आवमा बैंकले कुल १ अर्ब २९ करोड २४ लाख रुपैयाँ नाफा गरेको थियो । 

यस्तै बैंकले पहिलो त्रैमाशमा ५७ अर्ब ४१ करोड २८ लाख रुपैयाँ निक्षेप परिचालन गरेको छ । गत असारसम्म बैंकले ५५ अर्ब ७२ करोड ७१ लाख रुपैयाँ निक्षेप परिचालन गरेको थियो । यस्तै समीक्षा अवधिमा बैंकले ३२ अर्ब ३९ करोड १२ लाख रुपैयाँ कर्जा प्रवाह गरेको छ । गत असारसम्म ३१ अर्ब ६९ करोड रुपैयाँ कर्जा प्रवाह गरेको बैंकले मंगलबार सार्वजनिक गरेको पहिलो त्रैमाशिक वित्तीय विवरणमा उल्लेख छ ।  बैंकको खराव कर्जा ०.३ प्रतिशत मात्र छ । बैंकको प्रतिसेयर आम्दानी ५० रुपैयाँ छ ।