काठमाडौं ।  कलाकार अजय अधिकारी ‘सुशील’ले ‘मनको रहर’ एल्बम ल्याउने तयारी गरेका छन्  । अजयका अनुसार एल्बम यसै हप्ता सार्वजनिक हुनेछ ।

युवा पुस्ताको भाव  समेटेको गीतले चर्चा पाउने अजयले विश्वास लिएका छन् ।

युवा पुस्ताले मायाप्रेमलाई फेसन जस्तो ठानी प्रेमीपे्रमिका तथा तस्विर जथाभावी सार्वजनिक गर्दा बिछोडपछि जीवनमा नकारात्मक असरलाई गीतमा समेटर सन्देस दिन खोजिएका गीत एल्बममा रहेको अजयले बताए । 

गीतमा शब्द, संगीत, स्वर अजयको छ । केटीको स्वरमा मेलिना राईले साथ दिएकी छन् ।

‘मलाई माया गर्छु भन्दै सबलाई भन्दै नहिँड’को म्युजिक भिडियो समेत तयार पारेका छन् । भिडियोमा वर्षा शिवाकोटी र अजयकै अभिनय रहेको छ । निर्देशन निकेश खड्का र संयोजन योगेस काजीले गरेका छन् । एल्बमलाई  उनी इन्टरटेन्मेन्टले बजारमा ल्याउन लागेको हो ।

अजयले यसअघि ५ वटा एल्बम सार्वजनिक गरिसकेका छन् । उनले जन्मदिनको अवसर पारेर एल्बम सार्वजनिक गर्दै आएका छन् । छैटौं एल्बम पनि जन्मदिनकै अवसरमा सार्वजनिक गर्ने तयारी गरेका हुन् । अजयको जन्मदिन मंसिर ३ गते पर्छ ।