काठमाडौं । अमेरिकाका  नवनिर्वाचित राष्ट्रपति डोनाल्ड ट्रम्प पदभार सम्हालेपछि पनि सम्पूर्ण समय ह्वाइट हाउसमा नबस्न सक्ने र वाशिङटन डीसी बाहेक हप्तामा केहिदिन न्यूयोर्कको म्यानह्याटनस्थित उनकोे पेन्टाहाउस अपार्टमेन्टमा बस्न सक्ने बताइएको छ ।

‘न्यूयोर्क टाइम्स’ का अनुसार ट्रम्पका सल्लाहकारहरूका अनुसार ट्रम्प चुनाव परिणाम आएपछि पेन्टाहाउस अपार्टमेन्ट छाड्नुपर्ने भएर उनी ‘स्तब्ध’ भएका थिए । 

अब उनी हप्तामा कति दिन  ह्वाइट हाउसमा बस्ने र कतिदिन न्यूयोर्कको उनको महलमा बस्ने भन्ने बिषयमा बिचार गरिरहेको बताइएको छ । 

ट्रम्पमा आफ्नो न्यूयोर्कको महल प्रति अत्यन्तै लगाव रहेको र त्यसलाई उनले छाड्न नसक्ने बताइएको छ ।

अमेरिकी प्रथम महिला हुन गइरहेकी मेलानिया ट्रम्प पनि वाशिङटनमै पति संग बस्न सक्ने अनुमान गरिएको छ । उनको १० वर्षको छोरा ब्यारोन न्यूयोर्कको एक स्कुलमा पढिरहेको तर बाबुआमासँग वाशिङटनमै बस्नेकी नबस्ने भन्ने स्पष्ट नभएको बताइएको छ ।

न्यूयोर्क टाइम्सका अनुसार ट्रम्पका सल्लाहकारले बताएअनुसार उनी हप्तामा धेरै दिन वाशिङटन बस्ने छन भने हप्ताका अन्तिम दिनहरू उनकोे भब्य न्यूयोर्क अपार्टमेन्टमा बस्ने छन् ।