बीबीसी । सिंगापुरले अमेरिकी राष्ट्रपति डोनल्ड ट्रम्प र उत्तर कोरियाका नेता किम जोङ–उनका लागि ऐतिहासिक शिखर सम्मलेन आयोजना गरेर ठूलो उपलब्धि हासिल गरेको छ । 

दुवै नेताको भेटवार्ता सफलतापूर्वक सम्पन्न भएको छ तर सम्मेलन आयोजना गरेर प्राप्त उपलब्धिका बारेमा जवाफ दिन सिंगापुर आनाकानी गरिरहेको छ । अहिलेसम्म सिंगापुरले सम्मेलनबाट प्राप्त उपलब्धिका बारेमा आधिकारिक रुपले केही प्रतिक्रिया नदिए पनि एकथरीले सिंगापुर सुरक्षाका दृष्टिकोणले सुरक्षित भएको टिप्पणी गरेका छन् । त्यस्तै अर्काथरीले निष्पक्ष देश सिंगापुरले अमेरिका र उत्तर कोरियासँग मित्रता मजबुद बनाएको बताउँछन् । 

सिंगापुरसँग शिखर सम्मलेन आयोजना गरेको अनुभव रहेको तेस्रो थरीका मानिसहरु को भनाई छ । यसअघि सिंगापुरले सन् २०१५ मा चीन र ताइवानका नेताका बीचमा एक सफल सम्मेलन सम्पन्न गरेका कारण उनीहरुको भनाई पनि स्वाभाविक लाग्दछ । 

ट्रम्प र किमका लागि आयोजना गरिएको सम्मलेनको समाचार सम्प्रेषणका लागिको विश्व भरीका झण्डै २५ सय मिडिया सिंगापुर पुगेका थिए । ती मध्ये अधिकांशले आफूहरु सिंगापुरसँग अत्यन्तै खुशी भएको प्रतिक्रिया दिएका छन् । अस्ट्रेलियाका चर्चित पत्रकार नील साइमनले सिंगापुर आफूमा राम्रो छाप बनाउन सफल भएको बताए । 

इण्डोनेशियाबाट पुगेका पत्रकारहरुको टोलीले सिंगापुर र सम्मेलनका लागि गरिएको व्यवस्थापन राम्रो रहेको बताए । यी प्रतिक्रियाहरुबाट सिंगापुरलाई ‘गुडविल’ सँगसँगै सम्मलेनको सफल आयोजनको लाभांशपनि पाएको स्पष्ट देखिएको छ । 

सिंगापुरले सम्मेलनबाट आफ्नो मुलुकले “लङ्ग टर्म बेनिफिट’ को आशा गरेको छ । इण्डियन च्याम्बर अफ कमर्श सिंगापुरका अध्यक्ष (भारतको तमिल समुदायका व्यापारी) टी चन्द्रुले भने, “हामीले सधै लङ्ग टर्म फाइदा हेर्ने गर्दछौं ।’’

सम्मेलनको सफलताको परिणाम सकारात्मक रहने उनको भनाई थियो । सम्मेलनकै कारण शान्ति र राजनीतिक स्थिरता मजबुद हुनुका साथै उत्तर कोरियाको अर्थव्यवस्थामा पुर्ननिर्माण भएर सिंगापुरलाई लाभ मिल्ने हुने अध्यक्ष चन्द्रुको बुझाई छ ।

सम्मेलन अगाडि सिंगापुरका प्रधानमन्त्री ली शियेन लुङ्गले डोनल्ड ट्रम्प र किम जोङ–उनको भेटवार्ताका लागि झण्डै २० मिलियन सिंगापुर डलर अर्थात डेढ सय  करोड रुपैयाँ भन्दा बढी खर्च गरिने बताएका थिए । 
https://www.bbc.com/hindi/india-44469176