बीबीसी । अहिलेको समय सम्भवतः दक्षिण एशियाका दुई महत्वपूर्ण देश भारत र पाकिस्तानको मित्र राष्ट्र परिवर्तन गर्ने र पुराना मित्र राष्ट्रसँगको दूरी बढाउने हो ।
रूस र भारतमा निकटताको एक समृद्ध इतिहास छ भने अर्को तर्फ पाकिस्तान र अमेरिकाको मित्रताको सम्बन्ध पनि छ । पछिल्लो १० वर्षमा वैश्विक स्तरमा कयौं उथल–पुथल आएका छन् । र यस क्रममा दुबै देशको मित्रहरु पनि स्पष्ट रुपले परिवर्तन भइरहेका देखिदैछ ।
यसै महिना ६ अप्रिलमा पाकिस्तानका रक्षा मनत्री खÞुर्रम दस्तगिर खानले रूसको सरकारी मीडिया स्पूतनिकसँग पाकिस्तानी सेनाले रूसबाट एसयू–३५ लडाकू विमान र टी–९० ट्यांक खरिद गर्ने योजना बनाएको बताएका छन् ।
खानको यो घोषणा पाकिस्तानको नीतिको ठिक विपरित थियो । यसअघि पाकिस्तानले एसयू–३५ खरिद गर्न अस्वीकार गरेको थियो । उनको यो घोषणाले पाकिस्तान र रूस बीच गहिरो सम्बन्ध स्थापित हुँदै गरेको पुष्टि गर्दछ ।
रूस र भारतको मित्रता र ऐतिहासिक अविश्वासका कारण पाकिस्तानसँग रूसको राम्रो सम्बन्धको सम्भावनाका बारेमा गम्भीरताका साथ कल्पना गर्न किन्थेन । तर अब पाकिस्तान र रूसबीच बढ्दो सुरक्षा सम्बन्धबाट दक्षिण एशियाको भूराजनीतिक वातावरण नयाँ र अहम कोल्टे फेर्दैछ ।
पाकिस्तान–रूसबीच मित्रताको सम्भावना
रूस र पाकिस्तानका बीचमा दुबै देशको व्यापक र साझा हितका लागि गहिरो मित्रताको सम्बन्ध छ । जुन आगामी दिनमा झनै मजबुत हुने सम्भावना रहेको छ ।
रूस र पाकिस्तानको मित्रताले स्थायित्व र भविष्यमा दुबै मुलुकको साझा चाहना हेरेको बताइन्छ । दुबै देशले दक्षिण एशियामा अमेरिकाको प्रभाव कम गरेर अफगानिस्तानमा युद्धको समाधान खोज्नका लागि साझा रणनीतिका माध्यमबाट काम गरिनु पर्ने चाहेका छन् ।
रूसी प्रधानमन्त्री मिखाइल फ्रादकोव पाकिस्तान भ्रमणमा गए पछि रूस र पाकिस्तानका बीचमा चिसिएको सम्बन्ध तात्न शुरु भएको थियो । सन् २०११ मा अमेरिका र पाकिस्तानको सम्बन्धमा बढेको अविश्वासले ऐतिहासिक रूपमै दुबैको मित्रता कमजोर बनाएको थियो ।
सन् २०११ मा नै अमेरिकाले पाकिस्तानमा ओसामा बिन लादेनलाई मारेको थियो । यस दौरानमा रूस र पाकिस्तान नजिक आए । दुबै देशमा अमेरिका विरोधी भावना थियो जसले दुबैलाई एक स्थानमा उभ्याउन भूमिका खेल्यो ।
पाकिस्तानले आफ्नो सैन्य आपूर्तिका लागि अमेरिकामाथि रहेको निर्भरता कम गर्न चाहेको छ । स्टकहोम इन्टरनेशनल पीस रिसर्च इन्स्टीट्यूटका अनुसार अमेरिका र पाकिस्तान बीचको हतियारको कारोबार एक अरब डलरबाट घटेर गत वर्ष २.१ करोड डलरमा झरेको छ ।
https://www.bbc.com/hindi/india-43895048