धनगढी । कैलालीमा आफ्नै पिएसँग चुनावी प्रतिस्पर्धामा रहेका पुर्वमन्त्री मोहन सिँह राठौर पराजित भएका छन् ।

क्षेत्र नम्बर २ मा एमाले परित्याग गरी कांग्रेसबाट चुनाव लडेका मोहनसिंह राठौर आफ्ना पुराना पिए झपट रावलसँग १८ सय ४४ मतले पराजित भएका हुन् ।

रावलले २५ हजार १५७ मत पाए भने राठौरले २३ हजार ३१३ मत प्राप्त गरे ।

यो नतिजासँगै कैलालीका ५ वटै निर्वाचन क्षेत्रको नतिजा आएको छ । जसमा चार वटामा वामगठवन्धनले जित हात पारेको छ भने एक क्षेत्रमा राजपा विजयी भएको छ । 

मोहनसिंह राठौर २०६४ सालको संबिधान सभामा एमालेबाट बिजयी भएर शिक्षा राज्य मन्त्री बनेका बेला अहिले विजयी भएका झपट रावल उनका पिए थिए । एमालेबाट टिकट नपाएपछि कांग्रेस प्रवेश गरेका राठौर ०७० सालमा कैलालीबाट जित्ने एकमात्रै एमालेका नेता थिए ।