काठमाडौं । समानुपातिकतर्फको मतगणनाको ताजा मत परिणामअनुसार नेकपा एमाले नै अगाडि रहेको छ । ३६ लाख मतगणना गर्दासम्म एमालेले १३ लाख २५ हजार ७४२ मत प्राप्त गरेको छ । एमालेलाई पछ्याइरहेको नेपाली कांग्रेस दोस्रो स्थानमा छ । उसको पक्षमा १२ लाख ३५ हजार ३७४ मत खसेको छ । 

तेस्रो स्थानमा रहेको माओवादी केन्द्रले ५ लाख २७ हजार ७०४ मत पाएको छ । ताजा मतपरिणाम अनुसार संघीय समाजवादी फोरम नेपाल चौथो स्थानमा रहँदै १ लाख १० हजार ३३४ मत प्राप्त गरेको छ । पाँचौँ स्थानमा रहेको विवेकशील साझाले ८० हजार ३४२ मत प्राप्त गरेको छ ।