विदेश
काठमाडौं । क्यानाडका दुई जना शिशु जन्मका बेला अस्पतालमा साँटिएका रहेछन् भन्ने ४१ वर्षपछि थाहा भएको छ ।
बीबीसीका अनुसार लिअन स्वानसन र डेविड टेट एउटै सहरमा बस्ने र एकापसमा परिचित भए पनि उनीहरू साँटिएको वास्तविकता भने हालै डीएनए परीक्षणपछि थाहा भएको हो । सन् १९७५ मा एउटै अस्पतालमा जन्मेका क्री जातिका लिअन र डेविटलाई अर्कै बाबुआमाको बाबुआमाको जिम्मा दिइएको रहेछ ।
क्यानाडामा यसरी सन्तान साँटिएको घटना यही वर्ष दोहोरिएकोमा त्यहाँका स्वास्थ्य मन्त्रीले चिन्ता प्रकट गरेका छन् । उनका अनुसार यस घटनाले आदिवासी जनजातिलाई उच्च स्तरको स्वास्थ्य सेवा उपलब्ध गराउनु जरुरी भएको पुष्टि भएको छ ।
साँटिएका छोराहरू र तिनका आमाबाबुले भने हुर्काउनेलाई पनि आमाबाबु नै ठान्ने बताएका छन् ।
प्रकाशित मिति: आइतबार, भदौ १२, २०७३ १६:२८
प्रतिक्रिया दिनुहोस्