कैलाली । धनगढीमा रहेका प्रधानमन्त्री शेरवहादुर देउवा वसेको होटेल नजिकै बम फेला परेको छ । 

धनगढीको होटेल डिभोटीमा बसेर दैनिक रुपमा हसनपुर–चटकपुर रोड हुँदै वोराडाँडीको व्यारेकसम्म गएर हेलिकप्टरवाट ओहोर दोहोर गर्ने रुटमा टाईम बम फेला परेको हो । 

धनगढीवाट डडेल्धुरा जाने क्रममा रुट जाँच गर्ने क्रममा देउवा वसेको भन्दा दुई तीन मिटर टाढा टाईम बम फेला परेको हो । धनगढी उपमहानगरपालिका वडा नम्बर ५ तारानागरमा पुल नजिकै फेला परेको टिफीन डब्वामा राखिएको टाईम बमलाई सेनाको टोलीले निष्कृय पारेको छ ।  सेनाले कुकुरको प्रयोग गर्दै रुट जाँच गर्ने क्रममा सिमेन्टको बोरामा राखिएको बमलाई सेनाको डिष्पोजल टोलीले निकृष्य पारेको छ । 

दैनिक रुपमा धनगढीमा वेसर नै प्रधानमन्त्री देउवाले चुनावी सभालाई सम्वोधन गर्दै आएको थियो । वम फेला परेपछि धनगढीको सुरक्षा व्यवस्था कडा पारिएको जिल्ला प्रहरी कार्यालय कैलालीले जनाएको छ ।