काठमाडौं । रेनो कम्पनीले आयोजना गरेको ‘ग्याङ अफ डस्टर्स’ नामक साहसिक यात्रा नेपाल आइपुगेको छ । २४ वटा डस्टर गाडीसहितको यात्रा करिब १४ सय किलोमिटर दूरी पार गरेर ९ दिनमा नेपाल आइपुगेको हो ।
यात्रा भारतको लखनउबाट कात्तिक २४ गते सुरु भएको थियो भने भारतको गोरखपुर हुँदै नेपाल प्रवेश गरेको थियो । कम्पनीका अनुसार ग्याङ अफ डस्टर्सले काठमाडौंको यात्रा पूरा गरिसकेको छ भने अब, चितवन, पोखरा, लुम्बिनीलगायत स्थान हँुदै पुनः लखनउ फिर्ता हुनेछ ।
ग्याङ अफ डस्टर रेनो इण्डियाले सुरु गरेको एउटा विशेष अभियान रहेको बताइएको छ, जसले डस्टर धनीहरुलाई साहसिक, कठिन तथा रोमाञ्चक भूगोलहरुको यात्रा गराउनेछ । यसमा अहिलेसम्म एक लाखभन्दा बढी सहभागी भइसकेका बताइएको छ । सोे समुदाय भारतमा चार पांग्रे गाडीको साहसिक यात्रा समुदायमध्ये सबैभन्दा ठूलो भएको दावी गरिएको छ ।
एडभान्स अटोमोबिल्स प्रालिका प्रबन्ध निर्देशक निकुञ्ज अग्रवालले नेपालमा पहिलो पटक भारतको विभिन्न स्थानबाट सहभागी ग्याङ अफ डस्टर्स सदस्यहरुको २४ वटा डस्टर गाडीसहितको लस्कर आएको जानकारी दिए ।