काठमाडौं । यू–१५ साफ च्याम्पियनसिप फुटबल प्रतियोगिताअन्तर्गत आज समूह चरणको अन्तिम खेलमा आयोजक नेपालले भारतसँग खेल्दैछ । दुवै टोली सेमिफाइनलमा प्रवेश गरिसकेको हुनाले आजको खेलले समूह विजेता र उपविजेताको टुंगो लाग्ने छ ।
नेपाली समयअनुसार आज एन्फा कम्प्लेक्समा ३ बजे यी दुई टोली आमनेसामने हुँदैछन् । समूह बी मा रहेको भारतले पहिलो खेलमा माल्दिभ्सलाई ९–० गोलअन्तरले पराजित गरेको थियो ।
घरेलु टोली नेपालले आफ्नो पहिलो खेलमा माल्दिभ्सलाई ६–० गोलले पराजित गर्दै सेमिफाइनलमा प्रवेश गरेको थियो । आजको खेलको विजेताले समूह ए को उपविजेता बनेको भुटानसँग सेमिफाइनलमा प्रतिस्पर्धा गर्नेछ । त्यस्तै, आजको उपविजेता हुने टिमले समूह ए को विजेता बनेको बंगलादेशसँग सेमिफाइनलमा खेल्नेछ ।
यसअघि हिजो भएको खेलमा बंगलादेशले भुटानलाई ३–० गोलअन्तरले पराजित गर्दै समूह ए को विजेता बनेको थियो । त्यस्तै भुटान पराजित भएपनि उपविजेता बन्दै सेमिफाइनलमा पुगेको थियो ।
