मुम्बई । बलिउडका दबंग खान सलमानले आफ्नो नयाँ चलचित्र ‘अन्तिम : द फाइनल ट्रुथ’ को छायांकन सुरु गरेका छन् । छायांकनको दोस्रो दिन नै छायांकन सेटबाट सलमानको लुक बाहिरीएको छ । 

उनी यस चलचित्रमा एक सीख प्रहरीको भूमिका निभाउँदै छन् । उनको यस चलचित्रको लुक उनका ज्वाँई आयुष शर्माले सार्वजनिक गरेका हुन् । 

आयुषले उनको इन्स्टाग्राममा एक भिडियो सेयर गरे जसमा सलमान चलचित्रको पात्रको गेटअपमा सेटमा हिँडिरहेका छन् । सलमान खरानी रंगको प्यान्ट, नेभी ब्लू शर्ट अनि पगरी र गाढा चस्मामा ठाँटिएका छन् । 
भिडियो सेयरगर्दै आयुषले लेखेका छन्, “अन्तिम सुरु...भाइको अन्तिम फर्सट लुक, अन्तिमदफाइनलट्रुथ, बिंगसलमानखान ।”

सलमानको फस्ट लुक सार्वजनिक भएसँगै उनका प्रशसंक निकै उत्साहित भएका छन् । एक प्रशंसकले लेखेका छन्, “बाप अफ बक्स अफिस ।” त्यस्तै अर्का प्रशंसकले लेखेका छन्, “ओ माई गड डेड टुडे ।”

यो चलचित्र महेश मानजरेकरले निर्देशन गर्दैछन् । आयुष यस चलचित्रमा ग्यांग्स्टर र सलमान प्रहरीको भूमिकामा आयुषलाई पक्राउ गर्ने कोशिस गर्नेछन् । 

हिन्दुस्तान टाइम्स