एजेन्सी । जर्मन बुन्डेसलिगा क्लब बोरुसिया डर्टमन्ड इटालियन सिरी ए क्लब लाजिओसँग पराजित भएको छ । च्याम्पियन्स लिग फुटबल अन्तर्गत मंगलरबार राति भएको खेलमा डर्टमन्ड लाजिओसँग ३–१ ले पराजित भएको हो । 

लाजिओको जितका लागि किरो इमोबाइल र जेन डानियल अक्पा अक्प्रोले एक एक गोल गरे । एक गोल भने आत्मघाती उपहार पाएको थियो । डर्टमन्डका लागि एर्लिङ हालान्डले एक गोल फर्काएका थिए । 

घरेलु मैदानमा भएको खेलको छैटौं मिनेटमा लाजिओले अग्रता लिएको थियो । कोरेराको पासमा इमोबाइलले गोल गदै लाजिओलाई १–० को अग्रता दिलाए । त्यस्तै २३ औं मिनेटमन डर्टमन्डका मार्विन हिट्जले आत्मघाती गोल गर्दै पहिलो हाफमा लाजिओको अग्रता दोब्बर पारे । 

७१ औं मिनेटमा हालान्डले गोल गर्दै डर्टमन्डलाई खेलामा फर्काउने प्रयास गरेका थिए । उनले रियानको पासमा गोल गर्दै गोल अन्तर २–१ मा झारेक थिए । तर, ७६ औं मिनेटमा अक्प्रोले इमोबाइलको पासमा गोल गर्दै लाजिओलाई ३–१ को सहज जित दिलाए । 

जितसँगै समूह एफमा रहेको लाजिओले च्यामिपयन्स लिगमा सुखद सुरुवात गरेको छ । यता, पहुना टोली डर्टमन्डले भने नयाँ सिजनको च्याम्पियनस लिगमा हारबाट लिगको सुरुवात गरेको छ । लाजिओले समूहमा तीन अंक जोडेको छ ।