काठमाडौं । काठमाडौंमा लुटपाट गरी भाग्दै गरेको अवस्थामा चारजना पक्राउ परेका छन् ।

लुटपाट गरी भाग्दै गरेको अवस्थामा काठमाडौं महानगरपालिका १४ कलंकी बस्‍ने २४ वर्षीय सन्तोष विष्टलगायत चार जनालाई प्रहरीले पक्राउ गरेको हो ।

बाँके कोहलपुर नगरपालिका ११ घर भएका ४२ वर्षीय पुरुषको नागार्जुन नगरपालिका ४, बाफल चोकबाट हाल नम्बर नखुलेको बस चढेर स्वयम्भू जाने क्रममा सोल्टी दोबाटोमा ७१ हजार ५ सय रुपैयाँ लुटेर गाडीबाट तत्काल झरी उनीहरू भागेका थिए ।

पीडितले प्रहरीलाई खबर गरेपछि महानगरीय प्रहरी वृत्त स्वयम्भूबाट खटिएको प्रहरीले उनीहरूलाई बा.२ज ४१७ नम्बरको ट्याक्सी चढेर भाग्‍न खोजेको अवस्थामा उक्त रकमसहित फेला पारी पक्राउ गरेको हो ।