काठमाडौं । फर्स्ट माइक्रोफाइनान्स वित्तीय संस्थाले लाभांश घोषणा गरेको छ । कम्पनीको भदौ १० गते बुधबार बसेको सञ्चालक समितिको बैठकले गत आर्थिक वर्ष ०७६/७७ को मुनाफाबाट लगानीकर्तालाई लाभांश प्रस्ताव गरेको हो । 

कम्पनीले कायम रहेको चुक्ता पुँजी ८० करोड ७ लाख ४० हजार ७४६ रुपैयाँको ९.५ प्रतिशतले हुन आउने ७ करोड ६० लाख ७० हजार  ४५४ रुपैयाँ बराबरको बोनस सेयर दिने प्रस्ताव गरेको छ । त्यस्तै चुक्ता पुँजीको ४.१८४२ प्रतिशतले हुन आउने ३ करोड ३ लाख ४ हजार ६८३ रुपैयाँबराबरको नगद लाभांशसहित कुल १३.६८४२ प्रतिशत लाभांश वितरण गर्ने प्रस्ताव गरेको हो । 

प्रस्तावित लाभांश नेपाल राष्ट्र बैंकबाट स्वीकृत र कम्पनीको आगामी साधारणसभाबाट पारित भएपछि लगानीकर्तालाई वितरण हुनेछ ।