चितवन । चितवनको भरतपुर महानगरपालिका वडा नम्बर १० मा नेकपा एमालेका उमेदवार अरुणपीडित भण्डारी प्यानलसहित विजयी भएका छन् । उनले कांग्रेसका भक्तिराम अधिकारीलाई पराजित गर्दै विजयी भएका हुन् ।
भण्डारीले २३१६ मत प्राप्त गरेका छन् भने कांग्रेसका भक्तिराम अधिकारीले १८५८ मत प्राप्त गरेका छन् । त्यसैगरी भरतपुर महानगरपालिकाको मेयरमा नेकपा एमालेका उमेदवार देवी प्रसाद ज्ञवालीले ८८५ मतले अग्रता कायम गरेका छन् ।
ज्ञवालीले १७५९१ मत प्राप्त गरेका छन् भने उनका प्रतिद्वन्द्वी माओवादी केन्द्रकी रेणु दाहालले १६७०६ मत प्राप्त गरेकी छन् ।
उपमेयरमा कांग्रेसकी पार्वती शाहको १९३१३ र एमालेकी दिव्या आचार्य शर्माको १५३२७ मत रहेको छ भने राप्रपाकी रिना गुरुङको १५५१ मत रहेको छ ।