लन्डन ।  युरोपियन युनियन (ईयू) बाट आज बेलायत बाहिरिने भएको छ । तीन प्रधानमन्त्री, साढे तीन वर्ष र सन् २०१६ देखि ब्रेक्जिटका विषयमा कैयौंपटक संसदमा भएको मतदानले बेलायतको बर्हिगन सफल भएको थियो । ४७ वर्षपछि ईयूबाट बेलायत स्थानीय समयअनुसार शुक्रबार ११ बजे ईयूबाट बाहिरनेछ । बेलायत ईयूबाट बाहिरिने पहिलो मुलुक पनि बन्दैछ । 

बेलायत ईयू छोड्ने तयारी गरेपछि प्रधानमन्त्री बोरिस जोनसनले "नयाँ युगको सुरुवात" लाई स्वागत गर्नेछन् । भिडियो सन्देशमर्फत उनले ब्रेक्जिट 'अन्त्य नभई सुरुवात' भएको बताउनेछन् । 

प्रधानमन्त्री जोन्‍सनले ईयूका २७ मुलुकसँगको सम्बन्धलाई "वास्तविक राष्ट्रिय नवीकरण र परिवर्तनको क्षण" का रूपमा व्याख्या गर्नेछन् । बेलायतको संक्रमणकालीन अवधि सुरुवात हुने र विस्तारै परिवर्तन हुँदै जानेछ । 
सन् २०२० को डिसेम्बरसम्मका ईयूका कानुनहरु लागु हुनेछन् । यो विषयमा ईयू र बेलायतबीच यसअघि नै सम्झौता भइसकेको छ । 

जोन्सनले आफ्नै एजेन्डालाई डिसेम्बरमा निर्वाचित भएपछि बेलायतलाई आफ्नै कार्यकालमा स्वतन्त्र बनाउन सफल भएका छन् । सन् २०१६ देखि नै बेलायतलाई अलग गर्नुपर्ने पक्षको नेतृत्व गर्दै आएका थिए । -बीबीसी