काठमाडौं । वीरगन्ज-९ का ११ वर्षीय सुलक्ष्यम खत्रीलाई उनका बाबुले मंगलबार दिउँसो सकी नसकी बोकेर शिक्षण अस्पताल परिसरभित्रको एउटा भवनको भरेङ उकाल्दै थिए । सुलक्ष्यमको एउटा खुट्टामा प्लास्टर गरिएको थियो । उनकी आमाको हातमा सुलक्ष्यमले टेक्ने बैसाखी थियो । उनलाई अस्पतालमा उपचारका लागि ल्याइएको भने हैन रहेछ । सुलक्ष्यमको कुर्कुच्चाको अपरेसन त २१ दिन पहिले नै भइसकेको थियो । र, सुलक्ष्यम अपरेसन गर्ने तिनै डाक्टर गोविन्द केसीलाई भेट्न अनशन बसेकै ठाउँमा आएका रहेछन् ।