काठमाडौं । रौतहटमा ट्याक्टरको ठक्करबाट गम्भीर घाइते भएका  वृद्धको मृत्यु भएको छ । जिल्लाको दुर्गाभगवती गाँउपालिका २ भलोहीमा हिजो बेलुकी ट्याक्टरको ठक्करबाट गम्भीर घाइते भएका एक वृद्धको उपचारको क्रममा मृत्यु भएको हो । 

मृत्यु हुनेमा सोही स्थान बस्ने अन्दाजी ७० वर्षीय किशोर ठाकुर रहेका प्रहरीले जनाएको छ । ट्याक्टरको ठक्करबाट गम्भीर घाइते भएका ठाकुरको शिवदर्शन अस्पतालमा गएराति ९ बजे मृत्यु भएको हो ।

सुकदेवचोकबाट गंगापिप्रातर्फ आउँदै गरेको ना३त ५३७० नम्बरको ट्याक्टर अनियन्त्रित भई सडकको छेउमा बसिरहेका ठाकुरलाई हिजो बेलुकी पौने ९ बजे ठक्कर दिएको थियो ।