कोलम्बो । श्रीलंकामा नवनियुक्त राष्ट्रपति रनिल विक्रमासिंघेले संकटकाल घोषणा गर्दै कर्फ्यू लगाएपनि जनता आक्रोशित हुँदै सडकमा उत्रिएका छन् ।

प्रदर्शनकारीहरूले राष्ट्रिय झण्डा फहराउँदै आपतकालीन अवस्था र अश्रुग्याँस प्रहारको प्रवाह नगरी सुरक्षा घेरा तोड्न खोजेको बीबीसीले जनाएको छ । 

राष्ट्रपति गोटाबाय राजापाक्षे देश छोडेर भागेपछि सभामुखले प्रधानमन्त्री विक्रमासिंघेलाई कार्यवाहक राष्ट्रपति नियुक्त गरेका छन् । राजापाक्षेले प्रधानमन्त्रीलाई राष्ट्रपतिको भूमिका निर्वाह गर्न अख्तियारी दिएको सभामुखलाई उद्धृत गर्दै भारतीय अखबार द हिन्दुले जनाएको छ । यद्यपि राष्ट्रपति राजापाक्षेले आधिकारिक रूपमा राजीनामा दिन बाँकी छ । 

यता आफ्नो नयाँ भूमिका सुरु भएको केही घण्टापछि नै विक्रमासिंघेले सेनालाई शान्ति सुव्यवस्था कायम राख्न जे पनि गर्ने अधिकार दिएका छन् । तर प्रदर्शनकारीहरूको मुख्य मागहरूमध्ये विक्रमासिंघेको राजीनामा पनि एक हो । 

प्रदर्शनकारीहरूले प्रधानमन्त्रीको कार्यालय कब्जा गरेका छन् भने शान्ति व्यवस्था कायम गर्न प्रहरीले भिडमाथि अश्रुग्याँस प्रहार गरेको बीबीसीले जनाएको छ ।

बीबीसीबाट ।