खार्किभ । युक्रेनको दोस्रो ठुलो सहर खार्किभमा रुसले आक्रमणमा परी कम्तीमा तीनजनाको ज्यान गएको छ । सोमबार भएको आक्रमणमा खार्किभमा दुई बालबालिका सहित ३१ जना घाइते भएको क्षेत्रीय गभर्नरलाई उद्धृत गर्दै बेलायती समाचार संस्था रोयटर्सले जनाएको छ ।

आक्रमण आवासीय क्षेत्रमा भएको युक्रेनी राष्ट्रपतिको कार्यालयको भनाइ छ ।

यसैबीच उद्धारकर्ताहरूले युक्रेनकै अर्को आक्रमणमा परेकालाई भग्नावशेषबाट बाहिर निकालेका छन् । १९ जनाको ज्यान जानेगरी अपार्टमेन्टमा हमला भएको थियो ।

यता चासिभ यार सहरको दक्षिणमा शनिबार रुसी रकेट प्रहार गरेको पाँचतले अपार्टमेन्ट भवनको भग्नावशेषमा पुरिएका दुई व्यक्तिसँग उद्धारकर्ताहरूले सम्पर्क गरेका छन् । दुई दर्जनभन्दा बढी मानिस फसेको उक्त भवनबाट पीडितहरूको उद्धारकार्य जारी रहेको बताइएको छ । 

चासिभ यारमाथिको आक्रमण पूर्वको सम्पूर्ण औद्योगिक डोनबास क्षेत्र कब्जा गर्न रुसको दबाबको एक हिस्सा भएको रोयटर्सको टिप्पणी छ । यसअघि रुसले महिनाको सुरुमा लुहान्स्क प्रान्तमा कब्जा गरेको थियो ।

खार्किभ रुसी सीमानाको उत्तरपूर्व नजिक पर्छ । तर डोनबास भन्दा बाहिर पर्छ । युद्धको पहिलो केही महिना भीषण बमबारीको सामना गरेको उक्त क्षेत्रले बीचमा केही शान्त महसुस गरेपनि हालैका हप्ताहरूमा पुन: भयंकर हमला भोग्नुपरेको छ ।

रोयटर्सबाट ।