काठमाडौं । सीजी ईलेक्ट्रोनिक्सले युरोपियन इलेक्ट्रोनिक्स ब्रान्ड बेकोको अत्याधुनिक फिचर्ससहितको कम बिजुली खाने इन्भटर एयर कन्डिसनर नेपालमा सार्वजनिक गरेको छ ।

जाडो र गर्मी दुवै मौसममा उपयोगी यो एयर कन्डिसनरमा गोक्लिन,  जोनफलो, गोल्डगार्डजस्ता अत्याधुनिक फिचर्स तथा टेक्नोलोजीहरू रहेका जनाइएको छ ।

यसको गोक्लिन टेक्नोलोजीले एयर कन्डिसनरमा टाँसिएको धुलो र फोहोरहरू आफैँ पखाल्छ । जसले गर्दा एयर कन्डिसनरमा ब्याक्टेरिया र ढुसी जम्न दिँदैन । गन्ध घटाउँछ र उपभोक्तालाई ताजा र स्वच्छ हावा प्रवाह गर्ने कम्पनीले जनाएको छ ।

यसको गोल्डगार्ड फिचर्सले एयर कन्डिसन उच्च क्षमतामा चलाई लामो समयसम्म टिकाउन मद्दत गर्छ ।

यसको जोनफलो टेक्नोलोजीले प्रयोगकर्ता बसेको ठाउँको तापक्रम महसुस गर्छ र स्वचालित रूपमा कोठाको तापक्रम समायोजन गर्छ । यसको रिमोटमा विशेष सेन्सर हुन्छ । जसको प्रयोगले प्रयोगकर्तालाई कोठाको जुनसुकै कुनामा पनि समान तापक्रम महसुस गराउँछ ।

कम्पनीका अनुसार यो एयर कन्डिसनर नेपाली बजारमा एक टन, १.५ टन र दुई टनमा उपलब्ध छ । यसमा १० वर्षको वारेन्टी छ ।