काठमाडौं । प्युठानको ऐरावती गाउँपालिका–४, धुवाङमा ट्याक्टरबाट खसेर एक युवतीको मृत्यु भएको छ । स्थानीय ३८ वर्षीया शान्ता रोकाको मृत्यु भएको हो ।

ट्याक्टरबाट खसेर गम्भीर घाइते भएकी उनको उपचारका क्रममा जिल्ला अस्पताल बिजुवारमा मृत्यु भएको जनाइएको छ ।

सुदूरपश्चिम प्रदेश ०१ ००२ त ५२१२ नम्बरको ट्याक्टरमा सवार उनी गएको मध्यरातमा त्यसबाट खसेकी थिइन् । ट्याक्टरसहित चालकलाई अस्थायी प्रहरी पोस्ट कैरनले नियन्त्रणमा लिएको छ ।