काठमाडौं । विध ल्याबका सञ्चालक भीमकान्त भण्डारीविरुद्ध अवैध सम्पत्ति आर्जन गरेको अभियोगमा मुद्दा दायर भएको छ । अख्तियार दुरुपयोग अनुसन्धान आयोगले भण्डारीमाथि ६ करोड २४ लाख बराबरको अवैध सम्पत्ति आर्जनको अभियोगमा विशेष अदालत काठमाडौंमा भ्रष्टाचार मुद्दा दायर गरेको हो ।

२१ असोज २०७३ देखि १ साउन २०७७ सम्म गरी झन्डै चार वर्ष सरकारी सेवामा रहेका उनको ६ करोड २४ लाख ४ हजार ६ रुपैयाँ बराबरको सम्पत्तिको स्रोत नखुलेको र अवैध रूपमा आर्जन गरेको अख्तियारको दाबी छ ।

भण्डारीको बैंक मौज्दातबाट समेत गरी सो रकम जफत गर्न विशेष अदालत काठमाडौंमा आरोपपत्र दायर गरिएको छ ।