काठमाडौं । आर्थिक पत्रकार गजेन्द्र बुढाथोकी सम्मानित भएका छन् । नेपाल धितोपत्र बोर्डले ३०औँ वार्षिकोत्सवको अवसरमा उनलाई ५० हजार नगद राशी सहित सम्मानित गरेको छ ।

हरेक वर्ष आर्थिक पत्रकारिताका क्षेत्रमा  काम गर्दै आएको पत्रकारहरूको संस्था र मिडिया हाउसलाई सम्मान गर्दै आएको बोर्डले यस वर्ष भने टक्सार म्यागजिनका प्रधान सम्पादक गजेन्द्र बुढाथोकीलाई सम्मान गरेको हो । 

बुधबार बोर्डको वार्षिकोत्सवका अवसमा प्रमुख अतिथि अर्थमन्त्री जनार्दन शर्माले उनलाई सम्मान प्रदान गर्दै ५० हजार राशिको चेक हस्तान्तरण गरे ।