काठमाडौं । नेपाल विद्युत् प्राधिकरणका दुई सञ्चालक सदस्यको कार्यकाल सकिएको छ । प्राधिकरण सञ्चालक समिति सदस्य रहेका भक्तबहादुर पुन र कपिल आचार्य कार्यकाल सकिएको हो ।

यही पुस २ गतेदेखि आफूहरूको कार्यकाल सकिएको पुनले बाह्रखरीलाई जानकारी दिए ।

डेडिकेटेड तथा ट्रंकलाइनको बक्यौता रकम उठाउने विषयमा कार्यकारी निर्देशक कुलमान घिसिङको ‘सारथि’ बनेका दुवै सञ्चालकलाई ऊर्जा, जलस्रोत तथा सिँचाइमन्त्री दीपक खड्काले गएको साउन १८ गते स्पष्टीकरण सोध्दै बर्खास्त गरेका थिए । तर, पछि सर्वोच्च अदालतले पुनर्बहाली गरेको थियो ।

डेडिकेटेड तथा ट्रंकलाइनको बक्यौता नबुझाएसम्म लाइन जोड्न नहुने अडान राखेपछि उनीहरूलाई मन्त्री खड्काले स्पष्टीकरण सोधेका थिए ।