काठमाडौं । इलेक्ट्रोनिक्स ब्रान्ड सामसङले आफ्नो सन् २०२२ को नयाँ ‘लाइन–अप’अन्तर्गत पूर्ण आर्टिफिसियल इन्टेलिजेन्स स्वचालित फ्रन्ट लोड वासिङ मेसिनहरू प्रस्तुत गरेको छ । नयाँ एआई एकोबब्बल वासिङ मेसिनहरू सहज धुलाइको अनुभवका लागि नयाँ एआई कन्ट्रोल विशेषतासहितका रहेको कम्पनीले जनाएको छ ।

यस्तै, उपभोक्ताको चाहनाअनुरूप आठ केजी र नौ केजीसम्मको क्षमतायुक्त मोडलहरू रहेको जनाएको छ । २०२२ मा वासिङ मेसिनहरू चार नयाँ मोडलहरूमा उपलब्ध रहेको जनाइएको छ । ती मोडलहरूमा एआई कन्ट्रोल, इकोबब्बल टेक्नोलोजी र हाइजिन स्टिमजस्ता विशेषतायुक्त रहेको कम्पनीले जनाएको छ ।

ती मेसिनमा सामसङको स्वामित्व भएको इकोबब्बल प्रविधिजडित रहेको र जसले ४५ प्रतिशत अतिरिक्त फेब्रिक केयर उपलब्ध गर्नुका साथै ऊर्जा बचत गर्न मद्दत गर्ने जनाएको छ । उच्च गुणस्तरको सफाइ र स्वच्छताको सुनिश्चितता दिलाउन सम्पूर्ण नयाँ मोडलहरू हाइजिन स्टिम प्रविधिका साथ उपलब्ध छन् ।

एआई इकोबब्बल मल्टिपल अपसनहरू चलाउने आवश्यकता हटाएर प्रयोगको सहजता प्रदान गर्दै प्रयोगकर्ताको व्यवहारलाई बुझेर सबैभन्दा उपयुक्त धुलाइ साइकल सिफारिस गर्ने नेपालको पहिलो वासिङ मेसिन भएको कम्पनीले जनाएको छ । उक्त वासिङ मेसिन ग्यालेक्सी स्मार्टफोनहरू, सामसङ स्मार्ट टीभी, सामसङ स्मार्ट उपकरणहरूका साथसाथै भ्वाइस उपकरणहरू एलेक्सा र गुगल होमसँग कनेक्ट गर्न सकिने जनाएको छ ।

यी मेसिनहरूको सुरुवाती मूल्य एक लाख १७ हजार ९९० रुपैयाँ रहेको  कम्पनीले जनाएको छ । उपभोक्तालाई एआई इकोबब्बल वासिङ मेसिनहरूमा एक वर्षको वारेन्टी र डीटीआई मोटरमा १० वर्षको वारेन्टी रहेको जनाइएको छ ।