काठमाडौं । राष्ट्रिय प्रजातन्त्र पार्टीका अध्यक्ष तथा सांसद राजेन्द्र लिङ्देनले आगामी वर्षका लािग आएको बजेट वितरणमुखी र चुनावलक्षित मात्र भएको बताएका छन् ।
बुधबार प्रतिनिधिसभा बैठकमा बजेट माथिको सैद्धान्तिक छलफलमा बोल्दै उनले वर्तमान बजेटले आर्थिक महँगी र भ्रष्टचार र सुशासनको विषयलाई समेट्न नसकेको बताए ।
साथै, स्रोत र कार्यान्वयनको आधार नै बजेटले प्रस्तुत गर्न नसकेको उनको भनाइ छ । “यो बजेट केवल आगामी निर्वाचन लक्षित छ । स्रोत र कार्यान्वयनको आधार केही छैन । अनुमानको आधारमा बजेट बनाइएको छ,” उनले भने ।
सांसद लिङदेनले बजेटमा एक घण्टामा चितवन पुग्ने मार्ग बनाउने भन्नलाई आधार र स्रोत के हो भन्दै प्रश्न गरे । साथै, बन्द रहेको हैटौडा उद्योगबाट उत्पादन हुने लुगा लगाउन अनिवार्य गरे पनि उत्पादन चाहिँ कहिलेबाट हुने भन्दै प्रश्न उठाए ।