काठमाडौं । अमेरिकी उपविदेशमन्त्री उज्रा जिया चार सदस्यीय प्रतिनिधिमण्डलको टोलीसहित तीनदिने नेपाल भ्रमणमा आएकी छन् । उनलाई शुक्रबार अपराह्न परराष्ट्र मन्त्रालयका सिस्टाचार अधिकृत मनहरी दङगालले अन्तर्राष्ट्रिय विमानस्थलमा स्वागत गरेका थिए ।
 
उपविदेशमन्त्री जियाले भोलि काठमाडौंस्थित तिब्बती शरणार्थीहरुसँग अन्तरक्रिया गर्ने कार्यक्रम छ । तर, परारष्ट्र मन्त्रालयका प्रवक्ता सेवा लम्सालले आफूलाई यसबारे आधिकारिक जानकारी नभएको बताएकी छन् ।
 
भ्रमणको अन्तिम दिन आइतबार जियाले प्रधानमन्त्री शेरबहादुर देउवा, परराष्ट्रमन्त्री नारायण खड्का र गृहमन्त्री बालकृष्ण खाणसँग भेट्ने कार्यक्रम छ ।

जिया अमेरिकी रास्ट्रपति जो बाइडेनकी तिब्बत मामिला हेर्ने विशेष संयोजक पनि हुन् । उनी दुईदिने भारत भ्रमण सकेर नेपाल आएकी हुन् । उनले भारतमा धर्मशालास्थित निवासमा पुगेर तिब्बती धर्म गुरु दलाई लामासँग भेट गरेकी थिइन् । जियाको भ्रमणलाई चिनियाँ पक्षले गहिरो चासोपूर्वक हेरेको छ ।