काठमाडौं । प्रधानसेनापति प्रभुराम शर्माले बेलीब्रिजको उद्घाटन तथा सडक आयोजना निरीक्षण गरेका छन् । 

आर्थिक वर्ष २०७३÷०७४ बाट नेपाली सेनाले निर्माण सुरु गरेको गोरखा जिल्लास्थित बेनीघाट–आरुघाट–लार्केभञ्ज्याङ्ग सडक आयोजनाअन्तर्गत माछा खोलामा निर्मित बेलीब्रिजको बिहीबार उद्घाटन गर्दै सेनापति शर्माले सडक आयोजना र बेलीब्रिज निर्माणमा सेनाले गरेको काम र मेहनतको उच्च प्रसंसा गरे ।

उनले निर्माणाधीन सडक खण्डको हेलिकप्टरमार्फत निरीक्षण गरी प्रगति विवरणबारे जानकारी लिएका थिए । सडक निर्माण कार्यमा परिचालित सकलदर्जालाई सम्बोधन गर्दै उनले भने, “सेनाद्वारा गरिएका विकास निर्माणका कार्यहरूले राष्ट्र निर्माणमा टेवा पु¥याएको छ । यसले नागरिक–सैनिक सम्बन्ध थप सुमधुर हुनेछ ।”