काठमाडौं । बाँकेको राप्तीसोनारी गाउँपालिकाको अध्यक्ष पदमा नेपाली कांग्रेसका उमेदवार तप्त पौडेल निर्वाचित भएका छन् । उपाध्यक्षमा पनि कांग्रेसकै मनीषा सिंह थारु विजयी भएकी छन् । निर्वाचन आयोगले औपचारिक घोषणा गर्न भने बाँकी छ ।

अध्यक्ष र उपाध्यक्ष दुवै जितेको कांग्रेस वडामा भने कमजोर बनेको छ । वडा नम्बर–१, २, ३, ८ र ९ नेकपा (एमाले)ले जितेको छ । ४, ५ र ७ मा नेकपा (माओवादी केन्द्र)का उमदेवार वडाध्यक्षमा निर्वाचित भएका छन् । वडा नम्बर–६ भने राप्रपाले जितेको छ ।