काठमाडौं । ललितपुरको कोन्ज्योसोम गाउँपालिकामा गठबन्धनलाई पराजित गर्दै एमालेले विजय सुरुवात गरेको छ । जिल्ला निर्वाचन कार्यालयको पछिल्लो तथ्यांकअनुसार एमालेका कृष्णमान लामा तीन हजार १०४ मत ल्याएर विजयी भएका हुन् ।

गठबन्धनबाट माओवादी केन्द्रका गोपिलाल सिंतानले दुई हजार ५०९ मत ल्याए । 

उपाध्यक्षमा गठबन्धनबाट नेपाली कांग्रेसका राजनप्रसाद घिमिरे विजयी भए । उनले ३ हजार २२७ मत प्राप्त गरे । एमाले उमेदवार रनिता तामाङले भने दुई हजार ४८ मतमात्र प्राप्त गरिन् ।