जनकपुरधाम । जनकपुरधाम उपमहानगरपालिका वडा नम्बर १ को मतगणना जारी छ । ९७९ मतगणना हुँदा गठबन्धनबाट मेयरका उमेदवार लाल किसोर साह मात्र ४८ मत पाएका छन् । उनलाई नेपाली कांग्रेसका बागी उमेदवार मनोज साहले ठूलो मतान्तरले पछि पारेका हुन् । 

मनोजले ३२९ मत ल्याएका छन् । लालकिसोर जनता समाजवादी पार्टी (जसपा)बाट मेयरका उमेदवार बनेका छन् । शीर्ष स्थानमा रहेका मनोजलाई नेकपा एमालेका शिवशंकर साह (हीरा)ले १२५ मतका साथ पछ्याइरहेका छन् ।

यस्तै, लोकतान्त्रिक समाजवादी पार्टी (लोसपा)का मनोज चौधरीले ५७ मत, स्वतन्त्र उमेदवार बलराम महतोले ७५ र जानकीराम साहले ३२ मत ल्याएका छन् । 

उपप्रमुखमा सत्तारुढ गठबन्धनबाट नेपाली कांग्रेसका किशोरी साहले ३८६ मत, नेकपा एमालेकी रुना झाले १४९ मत, लोसपाकी रीताकुमारी मिश्रले ७६ र स्वतन्त्र उमेदवार निर्मल चौधरीले ७२ मत ल्याएका छन् ।