काठमाडौं । मोरङमा दुईवटा मोटरसाइकल आपसमा ठोक्किँदा एकजनाको मृत्यु भएको छ । सुन्दरहरैँचा नगरपालिका-९, आर्दश चोकमा दुई मोटरसाइकलमा आपसमा ठोक्किँदा एकजनाको मृत्यु भएको हो। दुईजना घाइते भएका छन् । 

को ३५ प ७१३८ नम्बरको मोटरसाइकल र प्रदेश १ ०२ ०४४ प ६३४२ नम्बरको मोटरसाइकल हिजो बेलुकी साढे ७ बजे आपसमा ठोकिएका हुन् । गम्भीर घाइते भएका ६३४२ नम्बरको मोटरसाइकल चालक स्थानीय ३५ वर्षीय नवराज राईको उपचारको क्रममा बिराटनगरस्थित गोल्डेन अस्पतालमा मृत्यु भएको प्रहरीले जनाएको छ । 

यसैबीच, नवलपरासी बर्दघाट सुस्ता पश्चिमको रामग्राम नगरपालिका १० नदुवाचोकमा टिपरको ठक्करबाट मोटरसाइकल चालकको मृत्यु भएको छ । मोटरसाइकल चालक रामग्राम नगरपालिका ६ पोखरापाली बस्ने ४० वर्षीय हरिद्धार यादवको हिजो बेलुकी टिपरको ठक्करबाट घटनास्थलमै मृत्यु भएको हो । 

नम्बर नखुलेको टिपरले लु ४९ प ५३६८ नम्बरको मोटरसाइकललाई हिजो बेलुकी पौने ८ बजे ठक्कर दिएको हो । सवारी साधनसहित फरार रहेका चालकको खोजी भइरहेको जिल्ला प्रहरी कार्यालय नवलपरासी पश्चिमले जानकारी दिएको छ ।