किभ । युक्रेनी अधिकारीले आफ्ना फौजले क्षेप्यास्त्र प्रहार गर्दा रुसको अर्को युद्धपोतमा आगलागी भएको बताएका छन् । आक्रमणका बेला 'दि एडमिरल माकारोभ' नामक युद्धपोत ब्ल्याक सीको स्नेक आइलन्ड नजिक गइरहेको थियो । 

गत महिना युक्रेनी फौजले यसै स्थानमा 'मोस्कभा' नामक युद्धपोत डुबाइदिएको थियो । यदि युक्रेनी दाबीअनुसार एडमिरल माकारोभ पनि क्षतिग्रस्त भएको हो भने रुसलाई गम्भीर धक्का लाग्ने छ ।

रुसी सुत्रहरूलाई उद्धृत गर्दै युक्रेनी राष्ट्रपतका सल्लाहकार एन्तोन गेरास्चेनकोले उक्त युद्धपोतमाथि जहाज भेदक क्षेप्यास्त्र 'नेप्च्युन' प्रहार गरिएको बताएका छन् ।

उनले आक्रमण पछि क्रिमियामा तैनाथ गरिएका रुसी जहाजहरू त्यसलाई मद्दत गर्न परिचालन गरिएको पनि बताएका छन् ।

मेट्रोबाट ।