काठमाडौं । त्रिभुवन आर्मी क्लबले बुधबार सशस्त्र प्रहरी बल (एपीएफ)लाई हराउँदै मुख्यमन्त्री राष्ट्रिय पुरुष कबड्डी प्रतियोगिताको उपाधि जितेको छ ।

धनगढीमा सम्पन्न प्रतियोगिताको उपाधि भिडन्तमा आर्मीले एपीएफलाई ४०–१६ को स्कोरमा हराउँदै उपाधि जितेको हो ।

कैलाली जिल्ला कबड्डी संघले आयोजना गरेको प्रतियोगिताको विजेता आर्मीले एक लाख ५० हजार रुपैयाँ नगद पुरस्कार पाएको छ । उपविजेता एपीएफले ८० हजार रुपैयाँ पायो ।

सेमिफाइनलमा पराजित सुदूरपश्चिम प्रदेश र लुम्बिनी प्रदेशले समान ४० हजार रुपैयाँ हासिल गरे ।