किभ । युक्रेनमाथि रुसी आक्रमण सुरु भएयता झण्डै १८ हजार पाँच सय रुसी सैनिक लडाइमा मारिएका युक्रेनी अधिकारीले बताएका छन् ।

युक्रेनको सशस्त्र बलमा जनरल स्टाफले फेसबुक पोस्टमा रुसी क्षतिको विवरण सार्वजनिक गर्दै २४ फेब्रुअरी यता ६७६ ट्याङ्क, १,८५८ बख्तरबन्द गाडी, १५० युद्ध विमान र १३४ हेलिकप्टर नष्ट भएको जनाएका छन् ।

रुसी रक्षा मन्त्रालयले भने मार्च २५ यता क्षतिको विवरण सार्वजनिक गरेको छैन । त्यतिबेला १,३५१ रुसी सैनिकको मृत्यु भएको र ३,८२५ सैनिक घाइते भएका जनाएको थियो ।

यस तथ्याङ्कलाई स्वतन्त्र रूपमा पुष्टि गर्न नसकेको बीबीसीले जनाएको छ ।

बीबीसीबाट ।