काठमाडौं । रियाल मड्रिडका प्रशिक्षक कार्लो एन्सेलोट्टीलाई कोभिड–१९ संक्रमण भएको छ । रियाल मड्रिडले बुधबार आधिकारिक वेव साइटमा एन्सेलोट्टी कोभिड–१९ संक्रमित भएको जनाएको छ । 

रियालले त्यसबाहेक प्रशिक्षक एन्सेलोट्टीको बारेमा केही खुलाएको छैन । रियाल मड्रिड स्पेनिस ला लिगाको शीर्ष स्थानमा छ । रियालले दोस्रो स्थानको सेभियालाई ९ अंकले पछाडि पारेको छ । 

रियालले ला लिगामा अब शनिबार राती सेल्टाभिगोसँग प्रतिस्पर्धा गर्नेछ । उक्त खेलमा प्रशिक्षक एन्सेलोट्टी अनुपस्थित हुने भएका छन् । त्यस्तै चेल्सीविरुद्ध च्याम्पियन्स लिगको क्वार्टरफाइनलको पहिलो लेगमा पनि एन्सेलोट्टी अनुपस्थित हुने भएका छन् । रियाल चेल्सी भ्रमणमा निस्कनेछ । 

रियाल पछिल्लो खेलमा चीर प्रतिद्वन्द्वी बार्सिलोनासँग घरेलु मैदान सान्टियागो बेर्नाबेउमै ४–० ले पराजित भएको थियो ।