काठमाडौं । इलेक्ट्रोनिक्स ब्रान्ड सीजीले नयाँ वर्ष २०७९ लक्षित गर्दै ‘सीजी स्मार्ट होम, नयाँ वर्षको सुरुवात’ नामक योजना ल्याएको छ ।

यस स्किमअन्तर्गत सीजी ब्रान्डका विभिन्न इलेक्ट्रोनिक्स सामानको खरिदमा ४९ हजार ९०० रुपैयाँसम्मको आकर्षक क्यास ब्याक तथा अन्य विभिन्न पक्का उपहारहरू प्राप्त हुने कम्पनीले जनाएको छ ।

उक्त स्किमअन्तर्गत सीजी ब्रान्डका ५५ इन्च वा सोभन्दा माथिका टीभीको खरिदमा पाँच हजार १९० रुपैयाँ बराबरको आकर्षक सीजीको स्पीकर र ५० इन्चसम्मका टीभीको खरिदमा आकर्षक क्यास ब्याक प्राप्त हुने जनाइएको छ ।

त्यसैगरी, ‘मल्टी डोर साइड बाइ साइड रेफ्रिजेरेटरहरूको खरिदमा चार हजार ६४० रुपैयाँ मूल्य बराबरको आकर्षक सीजीको इन्डक्सन चुल्हो प्राप्त हुने कम्पनीले जनाएको छ ।

सीजी ब्रान्डका डबल डोर रेफ्रिजेरेटर, फ्रन्टलोड वासिङ मेसिन, सेमिअटोमेटिक तथा टप लोडिङ वासिङ मेसिन, स्टीम वास डिसवासरको खरिदमा छुट तथा कीट प्राप्त हुने कम्पनीले जनाएको छ ।

यो योजना यही चैत १० गतेदेखि देशभर सीमित अवधिका लागि लागु हुने कम्पनीले जनाएको छ ।