काठमाडौं । सुर्खेतको वीरेन्द्रनगर नगरपालिका-११ मा टिपरको ठक्करबाट मोटरसाइकलमा सवार एक किशोरीको मृत्यु भएको छ । अर्की किशोरी घाइते छिन् ।

आज बिहान करिब पौने १२ बजे तीनजना सवार भे७प १७९९ नम्बरको मोटरसाइकललाई भे१ख ३३०२ नम्बरको टिपरले ठक्कर दिएको थियो ।

दुर्घटनामा गम्भीर घाइते भएकी मोटरसाइकलमा पछाडि सवार सुर्खेतको लेकबेसी नगरपालिका-५ बस्ने १७ वर्षीय लक्ष्मी पुलामीको उपचारका क्रममा कर्णाली प्रदेश अस्पतालमा मृत्यु भएको हो । घाइते १७ वर्षीया सन्दीपा पुलामीको सोही अस्पतालमा उपचार भइरहेको छ ।

दुवै सवारीसाधनसहित टिपर चालकलाई प्रहरीले नियन्त्रणमा लिएको छ । मोटरसाइकल चालक फरार रहेकाले खोजी भइरहेको जनाइएको छ ।