काठमाडौं । नेकपा (एमाले)का सांसद मोहन बानियाँ पक्राउ परेका छन् । बलात्कारको आरोप लागेका बानियाँलाई प्रहरीले नेपालगञ्जस्थित राझा एयरपोर्टबाट पक्राउ गरेको हो । 

जिल्ला प्रहरी कार्यालय बाँकेका डीएसपी मधुसुदन न्यौपानेले उनलाई सोमबार साँझ साढे ६ बजेतिर पक्राउ गरिएको जानकारी दिए । 

नेपालगञ्जस्थित अप्सरा होटलमा  जबरजस्ती करणी गरेको भन्दै जुम्लाकी एक महिलाले गएको माघ २७ गते जिल्ला उजुरी दिएकी थिइन् । 

जिल्ला अदालत बाँकेले बानियाँविरुद्ध पक्राउ पूर्जी जारी गरे लगत्तै उनी फरार थिए । त्यसपछि उनले प्रहरीलाई आफैँ उपस्थित हुने भनेपनि उपस्थित भएका थिएनन ।