काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसीको व्याख्यात्मक घोषणा अमेरिकाले स्वीकार गर्नुपर्ने बताएका छन् । सोमबार आयोजित पत्रकार सम्मेलनमा उनले प्रतिनिधिसिभाबाट एमसीसी र व्याख्यात्मक घोषणा एउटै प्रस्तावमा पारित भएको बताए । 

“नेपालको सार्वभौम प्रतिनिधिसभाले त्यो सम्झौता र यो घोषणा एकैपटक पास गरेको छ । दुईवटा अलग–अलग प्रस्ताव बनाएर होइन । यो अभिन्न अंग बनिसक्यो,” प्रचण्डले भने । 

अमेरिकाले स्वीकार नगरे खारेज हुने उनको भनाइ छ । “अर्को पक्षले पनि स्वीकार गर्छ । गर्नैपर्छ त्यो कन्भेन्सन अनुसार । गरेन भने एमसीसी खारेज हुन्छ । हिजो अर्थमन्त्रीले बोलिसक्नु भयो,” उनले भने ।