काठमाडौं । काठमाडौंको चन्द्रगिरि नगरपालिका–७ स्थित सडकछेउमा रोकिराखेको माइक्रोबसमा गए राति मोटरसाइकल ठोक्किँदा एकजनाको मृत्यु भएको छ । मोटरसाइकल चालक २६ वर्षीय आकाश रानाभाटको मृत्यु भएको हो ।

दुर्घटनामा गम्भीर घाइते भएका उनको उपचारका क्रममा कलंकीस्थित सहिद मेमोरियल अस्पतालमा राति साढे ११ बजे मृत्यु भएको जनाइएको छ ।

थानकोट चेकपोस्टबाट चन्द्रागिरितिर जाँदै गरेको प्रदेश ३, ०२, ०११ प २९१९ नम्बरको मोटरसाइकल अनियन्त्रित भई सडकछेउमा रोकिराखेको बा२ख ७०४९ नम्बरको फोर्स माइक्रोबसमा ठोक्किएको थियो ।

बिहीबार राति करिब ११ बजे दुर्घटना भएको हो । उक्त मोटरसाइकल र माइक्रोबसका चालकलाई थानकोट प्रहरीले नियन्त्रणमा लिएको जनाइएको छ ।