काठमाडौं । गोकर्णेश्वर नगरपालिकामा कोभिड–१९ विरुद्धको फाइजर खोप लगाउन छुटेका किशोरकिशोरीलाई भोलिदेखि खोप लगाइने भएको छ ।

आज एक सूचना जारी गर्दै नगरपालिकाले १२ देखि १७ वर्ष उमेर समूहका किशोरकिशोरीलाई फाइजर खोपको पहिलो र दोस्रो डोज लगाइने जनाएको हो ।

गोकर्णेश्वर नगर अस्पताल गोकर्ण, नयाँपाटी स्वास्थ्यचौकी नयाँपाटी, बालुवा स्वास्थ्यचौकी बालुवा, जोरपाटी स्वास्थ्य चौकी आरुबारी र सहरी स्वास्थ्य केन्द्र जोरपाटीमा खोप लगाइनेछ ।

खोप कार्यक्रम बिहान ११ देखि दिउँसो ३ बजेसम्म सञ्चालन हुनेछ ।

पहिलो डोज लगाएको २१ दिन पूरा भएका किशोरकिशोरीले भने उक्त डोज लगाएको खोप कार्ड अनिवार्य लैजानुपर्नेछ ।