काठमाडौं । स्याङ्जाको बिरुवा गाउँपालिका–३, धोवादीमा जीप दुर्घटना हुँदा दुईजनाको मृत्यु भएको छ ।

जीप चालक बिरुवा–३ कै २६ वर्षीय बेलबहादुर थापा र जीपमा सवार सोही स्थानका ३२ वर्षीय भेषबहादुर थापाको मृत्यु भएको हो । दुवैजनाको घटनास्थलमै मृत्यु भएको जनाइएको छ ।

आज बिहान करिब साढे ८ बजे खालिबाट पुतलीबजारतर्फ जाँदै गरेको ग१ज ५९३९ नम्बरको जीप अनियन्त्रित भई सडकदेखि अन्दाजी ५०० मिटर तल खसेको जिल्ला प्रहरी कार्यालय स्याङजाले जनाएको छ ।